Padport
« Zarboutan po La Rényon » nou la-gran bézoin ça. Dann la tèt bann dirijan politik konm dan çad bann zéléktër néna ankor tro lamayaj lërk zot i koze dessi nout lidantité, dessi çak nou lé kapab desside par nou-minm. Cé lamayaj-là, li-minm lotèr in bonpé d’fraka k’la-fé issi.
Akoz lamayaj-la, bann zoriantasyon politik la-pa profite nout péi, la-pa profite lo droi, lo pèp rényoné
.
La rézon gran fénoir-la lé sinp : Lo bann plan politik po la Rényon koméla lé piké. Akozsa n’i sèk en plasse, nout dévlopman lé anbaré. Nou la-bezoin in fékèr.
Bann Zarboutan po La Rényon lé pa in program in lorganizasyon, sirtou pa çat in parti politik.
« Zarboutan-la » lé po toute kalité domoun, toute kalité lorganizasyon, toute kalité lantante. Sak i konte sar léspri linité li aporte pou k’ toute domoun sossiété issi la Rényon i done la min po avanse dann minm diréksion.
An rézon, zarboutan-la i sorte pa dan in landroi éspéssial ; épi i forse pa pérsone done son lakor. Zarboutan-là, i fo shakèn i pran pou li si li rotrouve ali dédan.
Zarboutan-la lé pa le bien dé-sèrtin zékrivin, na pwin copyright. Ça lé in bien d’ nout toute, en minm tan ça in bien lé pèrsonèl shak rénioné.
« Zarboutan po La Rényon » n’i prézante azot-la, néna troi boute :
Lidantité La Rényon èk son bann konsékanse
Lo droi bann Rényoné néna po dévlope zot péi
Dé-troi tiktak po avansé
Akoz lamayaj-la, bann zoriantasyon politik la-pa profite nout péi, la-pa profite lo droi, lo pèp rényoné
.
La rézon gran fénoir-la lé sinp : Lo bann plan politik po la Rényon koméla lé piké. Akozsa n’i sèk en plasse, nout dévlopman lé anbaré. Nou la-bezoin in fékèr.
Bann Zarboutan po La Rényon lé pa in program in lorganizasyon, sirtou pa çat in parti politik.
« Zarboutan-la » lé po toute kalité domoun, toute kalité lorganizasyon, toute kalité lantante. Sak i konte sar léspri linité li aporte pou k’ toute domoun sossiété issi la Rényon i done la min po avanse dann minm diréksion.
An rézon, zarboutan-la i sorte pa dan in landroi éspéssial ; épi i forse pa pérsone done son lakor. Zarboutan-là, i fo shakèn i pran pou li si li rotrouve ali dédan.
Zarboutan-la lé pa le bien dé-sèrtin zékrivin, na pwin copyright. Ça lé in bien d’ nout toute, en minm tan ça in bien lé pèrsonèl shak rénioné.
« Zarboutan po La Rényon » n’i prézante azot-la, néna troi boute :
Lidantité La Rényon èk son bann konsékanse
Lo droi bann Rényoné néna po dévlope zot péi
Dé-troi tiktak po avansé
1 – Lidantité la Rényon èk son bann konsékanse
Lidantité, ça in réalité lé pa sinp parsk li apuiye dessi in bonpé zafèr k’i fé ékziste ali, k’i rande ali vivan.
Po nou ténir doboute, po ète kapab fé avanse nout vie dann in bon sens, lé inportan nou néna in vizion klèr dessi toute çak i fé nout lidantité.
Soubasman lidantité Rényon lé formé èk 9 zingrédian : Bann madanm, bonom la-pèpe nout lil la-sorte in pé partou dessi la Tèr. ça té vré dan promié débu, ça lé vré ankor zordi ; nout pèp in pèp lo sang, la kiltir, la rolizion mélanjé ; nout pèp la-jèrme dan la tèr péi La Rényon ; nout pèp lé fransé ; la Répiblik, Lerope, Lindianosséanien ; nout pèp i fé frèr avèk lo monde ; Nout pèp néna son lang fransé èk son lang kréol ; nout pèp néna son viv-ansanm, son kréolité, son kalité laïk.
1° Bann madanm, bonom la-pèpe lo péi : Zot i sorte Madagaskar, Lerope, Linde, Lafrik, la Shine. Bann-la la-amène zot kultir sanm zot.
2° Lo sang mélanjé, bann kultir mélanjé, bann spiritialité mélanjé : Déssi lo pti lil La Rényon, kinm si la loi té pa dakor, domoun la-mélanje ant zot dépi promié débu. Zordi, mélanje-la i kontinié i dévlope minm.
3° In pèp, in péi, inn tèr : Lontan té difissil déssote la mèr. Domoun zésklav, zangajé, kolon la-antère zot rassine tèrla-minm, la tèr-la la-vni zot péi-zonbri.
Rénioné i sorte partou dann le monde soman son bann rassine lé issi. Boi d’shanpak dann lo ba d’ somin la Plène i sorte dan Linde, soman li la-pran rassine issi La Rényon ; bann platane, tank azot, anba somin la Plène i sorte en Franse, soman zot la-pran ossi rassine La Rényon. Saminm-minm la manièr rényoné pran rassine, cé la-d’si nout pèp i doi forje son linité.
4° Nout lidantité fransé : Nout listoir, listoir politik nout péi la-fé k’ nou néna in lidantité fransé. Soman lé inportan nou ardéfini ali bien pouk n’i sorte dann vouv dominasyon, lassimilasyon ke gouvèrnman Fransé la-pèze anou d’sou. Nout kalité fransé sar dan la manièr nout pèp rényoné va pran son plasse dan la Répiblik, la manièr li va rante dann linité la Nasyon fransé. Rante bann péi fransé, nora La Rényon èk son pèp Rényoné. Son kultir, son lang, son manièr fèr.
5° La Répiblik, Lerope, Lindianosséani, lo monde : nou fé parti dé-troi groupaj, saminm i forme nout lidantité :
La Répiblik fransé, Lerop : Nou lé pa la propriété d’La Franse, nou lé dan la Répiblik fransé konm toute péi fransé. In fois nou lé fransé, nou lé eropéin parlfèt, in bann zeropéin dann Losséan indien.
Lindianosséani : Nout listoir, nout zéografi, nout kultir i fé k’nou lé anparmi bann péi i forme lindianosséani. Nou lé pa en Franse, nou lé pa en Erope, nou lé pa en Afrik, nou lé pa en Azi. Nou lé anparmi bann zil Sud-wès Losséan indien Bann zil-la, par zot listoir, zot soufranse, zot kultir, zot manièr vive lé kouzin ansanm. Toute-ça i fék néna bonpé zéshanje : kultirèl, ékonomik, sportif, familial… Néna in viv-ansanm indianosséanien lé là. Soman, souvandéfoi la politik kolonial la-rode po sépare toute-ça : Shagos, Komor, La Rényon, Madagaskar, Moris, Séshèl. Zordi, nou doi fèr nout kapab po travaïye ansanm, na rienk konmsa nou va mète anlèr nout boute Losséan indien. Lé inportan n’i done in nom lantité-la pouk toute bann pèp i pran zot plasse. Ansanm nou va trouve nout gou-d’sèl.
Lo monde : Anou in pèp anparmi toute pèp néna dessi la tèr. Si nou sar bien rokoni konm pèp, nou sar kapab, par nou-minm, rouvèr rolasyon sanm toute bann pèp.
6° La lang fransé, la lang kréol : La lang fransé i rante en part dann lidantité La Rényon, soman nou néna nout kalité fransé anou. Daborinn, nou néna nout lang kréol. La lang-la i défini bien nout pèp, nout linité. Lo deu lang-la i amontre bien la kalité nout kréolité, nout fransité.
7° Nout viv-ansanm : lërk bann sivilizasyon, avèk zot kalité diféran, la-artrouve azot déssi in pti léspasse konm nout lil, n’i konpran bien k’ zot la-pa akorde azot toutsuite. Forséman défoi la-bate ansanm, la-kongné. Soman, çak lé gayar, olërk vole en zékli, ça la-fénéssanse in pèp avèk son kalité d’viv-ansanm, son kalité d’pensé, son kalité d’travaïye, kréé…
8° Nout kréolité : Nout kultir kréol rényoné néna son listoir. Li la-fé son shomin dépi domoun, té sorte partou, la-mélanje ansanm.
9° Nout kalité laïk : Nout kalité d’vive ansanm laté forjé dann la diversité nout pèpleman è knout kréolité, ça la-fé k’ nou la-niabou mète en plasse nout kalité laïk. Minm kan la Franse té pankor komanse débate dessi késtion-la, domoun issi té vive zot rélijion dann in bon lantante. Minm dann tan la rolijion katolik té ankor « relijion gouvèrnman », banna té oblijé laisse la plasse pouk toute relijion i vive : çak té sorte dann Linde, Madagaskar, Lafrik, la Shine. D’sou la varang, dann fond la kour, dann kanp maronaj in nafèr lété klèr dan la tèt domoun : la rolijion èk lo gouvèrnman ça té deu zafèr bien séparé.
Po nou ténir doboute, po ète kapab fé avanse nout vie dann in bon sens, lé inportan nou néna in vizion klèr dessi toute çak i fé nout lidantité.
Soubasman lidantité Rényon lé formé èk 9 zingrédian : Bann madanm, bonom la-pèpe nout lil la-sorte in pé partou dessi la Tèr. ça té vré dan promié débu, ça lé vré ankor zordi ; nout pèp in pèp lo sang, la kiltir, la rolizion mélanjé ; nout pèp la-jèrme dan la tèr péi La Rényon ; nout pèp lé fransé ; la Répiblik, Lerope, Lindianosséanien ; nout pèp i fé frèr avèk lo monde ; Nout pèp néna son lang fransé èk son lang kréol ; nout pèp néna son viv-ansanm, son kréolité, son kalité laïk.
1° Bann madanm, bonom la-pèpe lo péi : Zot i sorte Madagaskar, Lerope, Linde, Lafrik, la Shine. Bann-la la-amène zot kultir sanm zot.
2° Lo sang mélanjé, bann kultir mélanjé, bann spiritialité mélanjé : Déssi lo pti lil La Rényon, kinm si la loi té pa dakor, domoun la-mélanje ant zot dépi promié débu. Zordi, mélanje-la i kontinié i dévlope minm.
3° In pèp, in péi, inn tèr : Lontan té difissil déssote la mèr. Domoun zésklav, zangajé, kolon la-antère zot rassine tèrla-minm, la tèr-la la-vni zot péi-zonbri.
Rénioné i sorte partou dann le monde soman son bann rassine lé issi. Boi d’shanpak dann lo ba d’ somin la Plène i sorte dan Linde, soman li la-pran rassine issi La Rényon ; bann platane, tank azot, anba somin la Plène i sorte en Franse, soman zot la-pran ossi rassine La Rényon. Saminm-minm la manièr rényoné pran rassine, cé la-d’si nout pèp i doi forje son linité.
4° Nout lidantité fransé : Nout listoir, listoir politik nout péi la-fé k’ nou néna in lidantité fransé. Soman lé inportan nou ardéfini ali bien pouk n’i sorte dann vouv dominasyon, lassimilasyon ke gouvèrnman Fransé la-pèze anou d’sou. Nout kalité fransé sar dan la manièr nout pèp rényoné va pran son plasse dan la Répiblik, la manièr li va rante dann linité la Nasyon fransé. Rante bann péi fransé, nora La Rényon èk son pèp Rényoné. Son kultir, son lang, son manièr fèr.
5° La Répiblik, Lerope, Lindianosséani, lo monde : nou fé parti dé-troi groupaj, saminm i forme nout lidantité :
La Répiblik fransé, Lerop : Nou lé pa la propriété d’La Franse, nou lé dan la Répiblik fransé konm toute péi fransé. In fois nou lé fransé, nou lé eropéin parlfèt, in bann zeropéin dann Losséan indien.
Lindianosséani : Nout listoir, nout zéografi, nout kultir i fé k’nou lé anparmi bann péi i forme lindianosséani. Nou lé pa en Franse, nou lé pa en Erope, nou lé pa en Afrik, nou lé pa en Azi. Nou lé anparmi bann zil Sud-wès Losséan indien Bann zil-la, par zot listoir, zot soufranse, zot kultir, zot manièr vive lé kouzin ansanm. Toute-ça i fék néna bonpé zéshanje : kultirèl, ékonomik, sportif, familial… Néna in viv-ansanm indianosséanien lé là. Soman, souvandéfoi la politik kolonial la-rode po sépare toute-ça : Shagos, Komor, La Rényon, Madagaskar, Moris, Séshèl. Zordi, nou doi fèr nout kapab po travaïye ansanm, na rienk konmsa nou va mète anlèr nout boute Losséan indien. Lé inportan n’i done in nom lantité-la pouk toute bann pèp i pran zot plasse. Ansanm nou va trouve nout gou-d’sèl.
Lo monde : Anou in pèp anparmi toute pèp néna dessi la tèr. Si nou sar bien rokoni konm pèp, nou sar kapab, par nou-minm, rouvèr rolasyon sanm toute bann pèp.
6° La lang fransé, la lang kréol : La lang fransé i rante en part dann lidantité La Rényon, soman nou néna nout kalité fransé anou. Daborinn, nou néna nout lang kréol. La lang-la i défini bien nout pèp, nout linité. Lo deu lang-la i amontre bien la kalité nout kréolité, nout fransité.
7° Nout viv-ansanm : lërk bann sivilizasyon, avèk zot kalité diféran, la-artrouve azot déssi in pti léspasse konm nout lil, n’i konpran bien k’ zot la-pa akorde azot toutsuite. Forséman défoi la-bate ansanm, la-kongné. Soman, çak lé gayar, olërk vole en zékli, ça la-fénéssanse in pèp avèk son kalité d’viv-ansanm, son kalité d’pensé, son kalité d’travaïye, kréé…
8° Nout kréolité : Nout kultir kréol rényoné néna son listoir. Li la-fé son shomin dépi domoun, té sorte partou, la-mélanje ansanm.
9° Nout kalité laïk : Nout kalité d’vive ansanm laté forjé dann la diversité nout pèpleman è knout kréolité, ça la-fé k’ nou la-niabou mète en plasse nout kalité laïk. Minm kan la Franse té pankor komanse débate dessi késtion-la, domoun issi té vive zot rélijion dann in bon lantante. Minm dann tan la rolijion katolik té ankor « relijion gouvèrnman », banna té oblijé laisse la plasse pouk toute relijion i vive : çak té sorte dann Linde, Madagaskar, Lafrik, la Shine. D’sou la varang, dann fond la kour, dann kanp maronaj in nafèr lété klèr dan la tèt domoun : la rolijion èk lo gouvèrnman ça té deu zafèr bien séparé.
3 - II - RESPONSABILITE, POUVOIR
Sitiasyon dopi avan ziska 1982 :
Dann tan la koloni, ziska 1982, si n’i baze anou dessi la loi :
La Rényon té rienk in propriété la Franse, li té pa rokoni konm in péi, té i voi pa lavé in pèp atèr-là ;
In pé Rényoné té pa fransé. Déssizion gouvèrnèr té i pèze dessi zot tèt ;
Gouvèrnèr, préfé té i dirije bann koléktivité lokal. Kan lo bidjé té fine voté, té i fo atann gouvèrnèr, pli tard lo préfé, done zot lakor.
Dopi la déssantralizasyon 1982 :
La Rényon lé pi inn possésyon la Franse ;
Bann Rényoné lé rokoni konm in pèp dann toute bann pèp i forme la Répiblik fransé, in pép dan la nasyon fransé ;
Linité la Répiblik i vé pi dir toute domoun i doi ète parèy, vive parèy. Linité la Répiblik i anpéshe pi la diversité bann péi, o-kontrèr, zordi son diversité saminm son forse ;
La politik gouvèrnman i doi pran in koulèr lokal, par in lotorité politik lokal kapab, réponsab ;
Lotorité-la lé résponsab lo dévlopman La Rényon, dann in léshanje, in travaïy avèk toute résponsab politik, avèk domoun lé kapab. Azot i doi fé énète in projé rényoné po domoun La Rényon.
I fo Projé-la i réspèkte bann loi La Franse, Lerope, bann règ Lindianosséani. Mé-soman i fé toute çak i gaingne po adapte ali po La Rényon.
Bann Rényoné néna lo pouvoir, la rèsponsabilté politik dessi dévlopman zot péi dann toute bann groupaj zot la-mète en plasse. Zot i pé pa di lé pa zot, cé lo gouvèrnman.
Dann tan la koloni, ziska 1982, si n’i baze anou dessi la loi :
La Rényon té rienk in propriété la Franse, li té pa rokoni konm in péi, té i voi pa lavé in pèp atèr-là ;
In pé Rényoné té pa fransé. Déssizion gouvèrnèr té i pèze dessi zot tèt ;
Gouvèrnèr, préfé té i dirije bann koléktivité lokal. Kan lo bidjé té fine voté, té i fo atann gouvèrnèr, pli tard lo préfé, done zot lakor.
Dopi la déssantralizasyon 1982 :
La Rényon lé pi inn possésyon la Franse ;
Bann Rényoné lé rokoni konm in pèp dann toute bann pèp i forme la Répiblik fransé, in pép dan la nasyon fransé ;
Linité la Répiblik i vé pi dir toute domoun i doi ète parèy, vive parèy. Linité la Répiblik i anpéshe pi la diversité bann péi, o-kontrèr, zordi son diversité saminm son forse ;
La politik gouvèrnman i doi pran in koulèr lokal, par in lotorité politik lokal kapab, réponsab ;
Lotorité-la lé résponsab lo dévlopman La Rényon, dann in léshanje, in travaïy avèk toute résponsab politik, avèk domoun lé kapab. Azot i doi fé énète in projé rényoné po domoun La Rényon.
I fo Projé-la i réspèkte bann loi La Franse, Lerope, bann règ Lindianosséani. Mé-soman i fé toute çak i gaingne po adapte ali po La Rényon.
Bann Rényoné néna lo pouvoir, la rèsponsabilté politik dessi dévlopman zot péi dann toute bann groupaj zot la-mète en plasse. Zot i pé pa di lé pa zot, cé lo gouvèrnman.
3 - Dé-troi tiktak po avansé
Nou lé kapab, n’i done la min inn-l’ot
Daborinn, po kalkile dévlopman nout péi, n’i doi pran konsianse ki fo n’i fé en promié par nou-minm.
Koman n’i voi dévlopman-la : koça néna dan nout farfar ? koman n’i lanse anou dan nout grandomin, koça n’i fé ? ça i apèle « la subsidiarité » ; çé nou-minm i travaïye po nout dévlopman. N’i pran lo tan argarde koça n’i néna konm rossourse, kèl moiyin n’i néna. Apréça n’i voi koça n’i fé.
Dan in dézièm tan, n’i réfléshi po voir kiça i gaingnré done la min : ça i apèl « la solidarité ».
Pouk lo projé i niabou voir lo jour, lé inportan n’i voi dessi kiça ni pé apuiye anou (kèl moun, kèl moiyin matéryèl, kèl larjan). Le bann moun n’i gaingne mète-ansanm : domoun la Franse, l’Erope, l’Indianosséni, épila domoun lézot péi nout vié zansèt, domoun l’Azi, Lafrik, Madagaskar. N’i pé konte ossi dessi le kominoté intérnasyonal.
Liberté, responsabilité
Fransh-vérité i fo n’i arive ète lib dan nout vie touléjour : lib po kalkilé, majiné, dirijé, désside koman dévlope nout péi konm n’i konpran.
Ça i vé dire nou sar résponsab çat nou-minm nou va fé. Libérté-la va respèk lo règ toute bann lantante nou lé d’dan : la Répiblik fransé, Lunion eropéin, l’Indianosséani, etc. Pouk ça i marshe, nora zaranjman po mète en plasse.
Légalité, bann droi, lo mérite
Toute domoun lé parèy, nout toute nou néna lo minm « natir » : toute domoun cé d’ domoun parèy partou dessi la tèr. Akoz ça, nout bann droi la-pwin pérsone i pé fé tonbé.
Si, cé pa po kèl rézon, in moun i vive pa dan son bon droi, son famiye, son lantouraj, la sossiété néna lo devoir tashe moiyin li artrouve son bann droi.
Lo droi néna son vizavi, ça i apèle « lo devoir ».
Néna ossi dé-sértin droi i apuiye dessi lo mérite.
En dalonaj
Zordi, i fo la sossiété lé pi tro en piramide, i fo èl lé plito en dalonaj ;
Po sorte dan larlik, n’i rode pi tangaj, n’i préfère koze-kozé ;
La fini lo tan komandër, zordi i avanse mié kan n’i koze, kan n’i mète-ansanm po déblèye, po galize shomin.
Zéléktër, lo pli gran group dan Léta
Lo group bann zéléktër, saminm-minm lo pli gran group
Akoz li lé lo pli gran ?
Li néna plis domoun ;
Li lé souvrin dan son fonksion ;
Résponsab politik, bonpé sitoyin na pi konsidérasyon po la plasse bann zélèktèr, poitan banna minm i porte la grandër lo pèp ;
Bann dirijan politik lé konm in bann léspès patron bann zéléktër olërk ète servitër in pèp ;
Bann zéléktër souvandéfoi i kroi cé zot i doi. Zot la-oubli k’çé zot minm néna lo pouvoir, cé zot lo pli gran forse ;
Bann zélèktër, akoz zot lé angajé dan toute kalité zorganizasyon, zot cé in forse po amontre bann résponsab politik kèl diréksion pran po mète La Rényon anlèr.
Zéléksion, ça in gran zafèr parsk li réuni lo pèp po nome zot dirijan politik, oubiensa po déboule azot ;
Bann zéléktër néna in gran pouvoir, zot langajman i konte bonpé ; kinm zot lé dann in parti, zot langajman ça in bon langajman kan li dépasse lo parti kan l’hère l’arivé po shoizi, léspri klèr, rante toute kandida i prétan vanje po lo péi.
Linité dan la diversité
Linité i vé pa di toute la bann lé parèy ;
Linité la Répiblik fransé la-forjé dan la diversité bann péi, bann pèp i forme ali ;
Linité i vé pa di kopié in modèl ; li lé plito larmoni inn divérsité k’i éklate parsk néna in takon kalité relasyon i éklère ali : sobatkoz, aranjman, zakor, dalonaj… toute-ça dann respé bann règ lantante La Rényon lé d’dan.
Démokrassi
La démokrasi ça i vé dir ke cé lo pèp i désside.
Bann zéli i gaingne la majorité bann voi zéléktër sar zot va amène la politik lo péi ;
Bann zéli la-pwin la majorité néna lo droi di çat zot i majine, parlfèt azot ossi i amène la politik lo péi ki-soi dann in lopozisyon, ki-soi dann in lakor ;
Bann sitoyin néna lo droi fé konète çat zot i pense : Zot i pé pran la parol, zot i pé ékri, zot i pé organize maniféstasyon piblik ;
Dessi bann zafèr lintéré jénéral oubiensa lokal, lé possib domande lavi bann zéléktër. Po ça i fé in référindome avèk bann règ k’i fo ;
Po inn méyèr démokrassi, sré gayar si i konte bann vote blan dann rézilta bann zéléksion.
Daborinn, po kalkile dévlopman nout péi, n’i doi pran konsianse ki fo n’i fé en promié par nou-minm.
Koman n’i voi dévlopman-la : koça néna dan nout farfar ? koman n’i lanse anou dan nout grandomin, koça n’i fé ? ça i apèle « la subsidiarité » ; çé nou-minm i travaïye po nout dévlopman. N’i pran lo tan argarde koça n’i néna konm rossourse, kèl moiyin n’i néna. Apréça n’i voi koça n’i fé.
Dan in dézièm tan, n’i réfléshi po voir kiça i gaingnré done la min : ça i apèl « la solidarité ».
Pouk lo projé i niabou voir lo jour, lé inportan n’i voi dessi kiça ni pé apuiye anou (kèl moun, kèl moiyin matéryèl, kèl larjan). Le bann moun n’i gaingne mète-ansanm : domoun la Franse, l’Erope, l’Indianosséni, épila domoun lézot péi nout vié zansèt, domoun l’Azi, Lafrik, Madagaskar. N’i pé konte ossi dessi le kominoté intérnasyonal.
Liberté, responsabilité
Fransh-vérité i fo n’i arive ète lib dan nout vie touléjour : lib po kalkilé, majiné, dirijé, désside koman dévlope nout péi konm n’i konpran.
Ça i vé dire nou sar résponsab çat nou-minm nou va fé. Libérté-la va respèk lo règ toute bann lantante nou lé d’dan : la Répiblik fransé, Lunion eropéin, l’Indianosséani, etc. Pouk ça i marshe, nora zaranjman po mète en plasse.
Légalité, bann droi, lo mérite
Toute domoun lé parèy, nout toute nou néna lo minm « natir » : toute domoun cé d’ domoun parèy partou dessi la tèr. Akoz ça, nout bann droi la-pwin pérsone i pé fé tonbé.
Si, cé pa po kèl rézon, in moun i vive pa dan son bon droi, son famiye, son lantouraj, la sossiété néna lo devoir tashe moiyin li artrouve son bann droi.
Lo droi néna son vizavi, ça i apèle « lo devoir ».
Néna ossi dé-sértin droi i apuiye dessi lo mérite.
En dalonaj
Zordi, i fo la sossiété lé pi tro en piramide, i fo èl lé plito en dalonaj ;
Po sorte dan larlik, n’i rode pi tangaj, n’i préfère koze-kozé ;
La fini lo tan komandër, zordi i avanse mié kan n’i koze, kan n’i mète-ansanm po déblèye, po galize shomin.
Zéléktër, lo pli gran group dan Léta
Lo group bann zéléktër, saminm-minm lo pli gran group
Akoz li lé lo pli gran ?
Li néna plis domoun ;
Li lé souvrin dan son fonksion ;
Résponsab politik, bonpé sitoyin na pi konsidérasyon po la plasse bann zélèktèr, poitan banna minm i porte la grandër lo pèp ;
Bann dirijan politik lé konm in bann léspès patron bann zéléktër olërk ète servitër in pèp ;
Bann zéléktër souvandéfoi i kroi cé zot i doi. Zot la-oubli k’çé zot minm néna lo pouvoir, cé zot lo pli gran forse ;
Bann zélèktër, akoz zot lé angajé dan toute kalité zorganizasyon, zot cé in forse po amontre bann résponsab politik kèl diréksion pran po mète La Rényon anlèr.
Zéléksion, ça in gran zafèr parsk li réuni lo pèp po nome zot dirijan politik, oubiensa po déboule azot ;
Bann zéléktër néna in gran pouvoir, zot langajman i konte bonpé ; kinm zot lé dann in parti, zot langajman ça in bon langajman kan li dépasse lo parti kan l’hère l’arivé po shoizi, léspri klèr, rante toute kandida i prétan vanje po lo péi.
Linité dan la diversité
Linité i vé pa di toute la bann lé parèy ;
Linité la Répiblik fransé la-forjé dan la diversité bann péi, bann pèp i forme ali ;
Linité i vé pa di kopié in modèl ; li lé plito larmoni inn divérsité k’i éklate parsk néna in takon kalité relasyon i éklère ali : sobatkoz, aranjman, zakor, dalonaj… toute-ça dann respé bann règ lantante La Rényon lé d’dan.
Démokrassi
La démokrasi ça i vé dir ke cé lo pèp i désside.
Bann zéli i gaingne la majorité bann voi zéléktër sar zot va amène la politik lo péi ;
Bann zéli la-pwin la majorité néna lo droi di çat zot i majine, parlfèt azot ossi i amène la politik lo péi ki-soi dann in lopozisyon, ki-soi dann in lakor ;
Bann sitoyin néna lo droi fé konète çat zot i pense : Zot i pé pran la parol, zot i pé ékri, zot i pé organize maniféstasyon piblik ;
Dessi bann zafèr lintéré jénéral oubiensa lokal, lé possib domande lavi bann zéléktër. Po ça i fé in référindome avèk bann règ k’i fo ;
Po inn méyèr démokrassi, sré gayar si i konte bann vote blan dann rézilta bann zéléksion.
